School
story of the most mischievous class of the school
ik aisa word h jisse bache nafrat aur bade mohabbat krte h.....
Jaha jaane ka man to nhi krta magar na jau to
din paar hi nhi hota....
ik ajab si jaadu hoti h school me....
jise apne vas me krle wo bas usi ka hokr rah jata h.....
hm me kuch log abhi school me h to kuch ko farewell milne wali hogi....
kuch logo ko mil bhi chuki hogi...
Aur kuch logo ko apna school dekhe hue zamana ho chuka hoga.....
To chlo kuch yaado ko Taza ki jaye....
wo school life ka last month...jiska har subha class me isi sentence se shuruat hoti h ki " ye akhir mahina h jee lo fir hm kaha tum kaha"
recess ke time dosto k bag me unke tiffin pr daka daalna ....
ik hi toffie bhale hi kyu na ho...magar koi naraz na ho jaye isliye pure group ko taste krana....
hm me se kuch k group me 3 log honge...
to kuch k group me aadhi class....magar jab function k liye dress selection ki baat aaye....to suggestion sab lete the....
Jab contribution k wqt sabse paise lete the ...to man hi man kuch kabjuso ko maarne ka bada dil krna tha....saale bhikariyo ki trah chillakr bhi bolo to last time me hi paise diya krte the....
apas me kitni bhi ladaiyaan ho....
magar kisi classmate ko koi bahar wala dhamki de jaaye ....to jaan lene ko tayyar rahta tha pura class....
Wo principal ko "katappa" aur "jille-ilahi" kah kr pukarna....pr agar wahi principal saamne aa jaye to puri duniya me hmse zyada deciplined koi nhi....aisa behaviour hota tha hamara....
Acting ka talent to oscar jeetne jaisa tha....ha ye alag baat h ki kisi ne diya nhi
friend circle me agar marks kisi ke zyada aa jaye to use 10-10 inch ke ankho se dekhte the...
class ke wqt bench k niche se kurkure aur soya sticks k packet pass krna bhi ik alag khushi de jaati thi...
bas kuch isi trah chlti thi apni zindagi....classroom hi ghar aur dost to oxygen the saale....
fir achanak ahsas hua ki ye to aakhir mahina tha school ka ....ab usme bhi do din hi bache h...
dhadkanein jaise thamsi gai ho aisa ahsas hone lga....
fir akhiri din white dress me marker se dosto ka sign lene me bhi alag hi maza tha....
aur wo pure class ka group photo .....jaha pure saal koi na koi rah hi jata tha....aaj saala pura class photo me dikh gaya.....
#isi trah dheere dheere yaadein dhoodhli hone lage to is page ko firse padh lena....
yaadein bhi aansuo ki talabgar hoti h.....
-koy@l
Comments